Генетик — адам организмінің түрлі генетикалық ерекшеліктерінің көрінісін зерттейтін, сондай-ақ тұқым қуалайтын аурулардың алдын алу және емдеумен айналысатын дәрігер. Генетикалық бұзылыстар бірнеше түрге бөлінеді: кейбіреулері тұқым қуалайды, басқалары жүре пайда болады. Патологияның себебін анықтап, оның одан әрі дамуын болдырмау — генетиктің негізгі міндеті.

Генетикке кеңес қажет кімге?

Әрбір 100 жаңа туған нәрестенің кемінде 5-і ата-анасынан мұра болған даму ақауларымен және аурулармен туылады. Өкінішке қарай, тіпті сау жұпта да патологиясы бар бала туылуы мүмкін. Бірақ бүгінгі күні мұны алдын ала анықтап, сау бала туылуына көмектесетін шаралар жоспарын құруға болады. Қалай? Бұл ретте медико-генетикалық қабылдау барысында жүгінгендердің шежіресін талдайтын, фенотипті мұқият бағалап қарайтын, ерлі-зайыптылардың өздерінің және алдыңғы жүктіліктерінің денсаулығына қатысты медициналық құжаттарды зерттейтін генетик-дәрігер көмектеседі.

Төменде көрсетілген факторлардың кем дегенде біреуі болған жағдайда генетикке кеңес алу міндетті:

• отбасында генетикалық аурулары бар балалар болса;
• сізде немесе жақын туыстарыңызда өміршең емес балалар туылса;
• алдыңғы жүктіліктер өздігінен түсікпен (жүктіліктің үзілуімен) аяқталса;
• сізде генетикалық аурулар болса;
• баланың жынысы сіз үшін ерекше маңызды болса (мысалы, гемофилия кезінде);
• қан туыстар арасында неке қиылған жағдайда;
• бірінші жүктілік 35 жастан асқанда басталса.

Біздің дәрігерлердің терең ғылыми білімі мен мол практикалық тәжірибесі отбасыда аурудың көріну ықтималдығын барынша дәл анықтап, жалғыз дұрыс диагнозды тез қоюға мүмкіндік береді.

Генетик қызметтері:

• Балалар мен отбасыларға кеңес беру
• ЭКО-ға дайындық кезінде генетикке кеңес беру
• Жүктілік кезінде генетикке кеңес беру
• Генетиктің қайталама қабылдауы